Солано за првпат на снег и на Светско првенство

Адријан Солано од Венецуела е централна фигура на Светското првенство во нордиски дисциплини кое се одржува во Лахти, Финска.

 

Имено, Солано никогаш во животот не видел снег, а учествуваше на трката во крос кантри. Дека ова момче прв пат гледа снег беше очигледно на патеката, бидејќи неколку пати при обид да застане на скиите паѓаше.

 

Сепак тоа не делуваше демотовирачки врз Солано и тој успеа да ја заврши трката, иако неговото заостанување беше огромно.

 

Интересно, пред почетокот на Светското првенство, Солано, се обидел да влезе во Шведска за да се подготвува за настапот во Лахти, но шведските власти сметале дека тој е илегален мигрант и го депортирале од државата.