Собирање боровинки на територијата на НП „Маврово“ само со дозвола
Лицата кои планираат летово да почнат со берба на шумски плодови на територијата на националниот парк „Маврово“ ќе треба да ги обноват лиценците и со нивното однесување да спречат појава на шумски пожари.
Со почетокот на сезоната за берба на боровинки, од Национален парк „Маврово“ на берачите им препорачува собирањето да го вршат согласно на прописите препорачани од страна на управата на паркот.
– Секој регистриран и сертифициран собирач на шумски плодови е должен да ја обнови својата легитимација со маркичка за 2019 година, да се грижи за природата и да собира само плодови кои се во оптимална зрелост. Растенијата да не ги оштетува со механички средства или целосно да ги уништува, да внимава на чистотата на околината и да не остава отпадоци на местата каде што престојува, наведуваат од НП „Маврово“.
Од управата на паркот посебно ја акцентираат заштитата на шумите и апелираат до собирачите на шумски плодови да не палат огнови и да ги следат препораките за движење низ планинските предели. Поради топлото време и е дополнителен ризик за појава и ширење на пожари.
За да се спрече неконтролирано собирање на шумски плодови, од паркот нагласуваат дека доколку се забележат присуство на нелегални – диви собирачи на шумски плодови, тоа да се пријави на телефонскиот број 042 489 019 или туристичкиот информативен центар на 042 489 425 или во најблиските полициски станици на територија на паркот и општина Маврово и Ростуше.
Управата на ЈУНП Маврово на сите собирачи им посакува успешна сезона.
Ново на Сител
-
Штипјанец и гевгеличанка лишени од слобода поради дрога
-
Анкета на ИПИС: Мицкоски најпопуларен политичар, граѓаните очекуваат новата власт да биде подобра од претходната
-
ЦУК: Прв координативен состанок за справување со змии
-
ДЗР ги објави конечните ревизорски извештаи за СДСМ, ВМРО-ДПМНЕ, ДУИ и Алтернатива
-
Претрес во Тетово, приведен дилер
-
Штети во Свети Николе и Неготино поради невреме, четири пожари на отворено, известува ЦУК
-
Израел планира да ја користи сателитската интернет услуга Старлинк во случај на конфликт со Хезболах
-
Министерот Муцунски ја продолжува посетата на Брисел со средби со претставници на ЕУ