Скопје домаќин на состанокот на партнерите во ЕУ проектот за паметни градови „MAtchUP“
Скопје денеска и утре е домаќин на петтиот состанок на партнерите во европскиот проект „Мечап“ (MAtchUP), на кој се дискутира на тема „Максимизирање на потенцијалот за подобрување на квалитетот (UpScaling) и репликација на високо степените стратегии за урбана трансформација“.
„MAtchUP“ е проект за паметни градови финансиран од Европската Унија од програмата Хоризонт2020, кој има за цел да креира и да преземе решенија кои можат да ги претворат урбаните проблеми во паметни можности што ќе го подобрат квалитетот на животот на граѓаните и ќе ги поттикнат локалните економии.
Заменик-градоначалникот на Скопје, Енвер Малиќи истакна дека проектот „MAtchUP“ предвидува посветена акција за употреба на обновливи извори на енергија, зголемување на одржливата мобилност и инвестирање во технологијата.
– Целта е градовите да се стекнат со квалитетни решенија на располагање на нивните паметни заедници кои ќе ги подобрат локалните економии и квалитетот на живот и ќе бидат модел за репликација во други градови и ќе доведат до урбана трансформација со активно учество на граѓани и други заинтересирани страни, рече Малиќи.
Тој се осврна и на активностите на Град Скопје за реализација на проектот „Паметен град“.
Проектниот конзорциум го сочинуваат 28 партнери од осум различни земји, три градови лидери Валенсија, Дрезден и Анталија и четири градови-следбеници Остенд, Герција, Скопје и Керава, поддржани од истражувачки институции, МСП, индустрија и непрофитни организации. „MAtchUP“ градовите ги здружија силите за да ги преструктурираат своите социјални, економски и еколошки модели и да промовираат социјална инклузија, подобри услови за живеење и просперитет за своите граѓани.
„MAtchUP“ своите активности ги реализира во четири сектори, и тоа: енергетика; мобилност; ИКТ и граѓани.
Крајната цел на проектот „MAtchUP“ е да креира просперитетна и динамична урбана средина преку преземање на мерки со цел подобрување на енергетската ефикасност, зголемена одржлива мобилност и инвестиции во технологија коишто ќе служат како модел за урбана трансформација за другите градови во Европа и пошироко.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање