Сириските исламисти се повлекуваат од палестинскиот бегалски камп Јармук
Припадници на џихадистичката група Исламска држава (ИД), на Фронтот Ал Нусра и на неколку помали исламистички организции стационирани во палестинскиот бегалски камп Јармук, јужно од Дамаск, најавиле дека се подготвени да го напуштат реонот и на сириската армија да и го предадат своето тешко оружје, соопшти извор од Вооружените сили на Сирија.
Според истиот извор, во Јармук веќе пристигнале 18 автобуси со воени инженери и претставници на ОН, чија задача е да го преземат тешкото оружје од исламистите.
Согласно договорот, оние исламисити кои ќе го предадат своето оружје потоа ќе бидат пренесени на локација источно од Дамаск, соопшти армискиот претставник.
Тој нагласи дека ако се се одвива според планот, Јармук ќе го напуштат околу 3.500 исламистички борци и членови на нивните семејства, на кои ќе им биде овозможено безбедно да пристигнат до Рака, град кој важи за престолнина на т.н. Исламски Калифат, што го прогласи ИД, или до градот Мари во северозападниот дел на Сирија.
Според договорот, на исламистичките борци ќе им биде дозволено со себе да понесат само лесно оружје и муниција.
Кампот Јармук е создаден во 1957 година, како локација за прием на бегалци од палестинските територии под контрола на Израел. До пред конфликтот во Сирија во Јармук живееја околу 18.000 лица.
Припадници на ИД на почетокот на април го освоија Јармук, при што од кампот побегнаа неколку илјади лица.
Ново на Сител
-
Си пред посетата на Србија го критикуваше НАТО за бомбардирањето на Белград во 1999 година
-
ЕУ одобри шест милијарди евра за Балканот, Рама: Историски момент, кој внесува нов импулс во процесот на проширување
-
Девизните резерви во април зголемени за 41,9 милиони евра
-
Анонимна пријава за случаи со поткуп од политичка партија во Кичево
-
Во Делчево денеска гласаат 222 болни и изнемоштени лица за претседателските и парламентарните избори
-
Советот на ЕУ го усвои првиот закон за борба против насилство врз жените
-
И во Шпанија студентите подготвуваат протести против Израел
-
Претреси во Охрид поради фотографирање избирачки список и гласачки ливчиња