Сириската војска објави примирје во Дамаск, но не и во Алепо
Сириската војска денеска објави времен прекин на огнот во Дамаск и неговата околина, како и во провинцијата Латакија, но не и во градот Алепо, околу кој се водат најжестоки борби.
Руски и американски воени претставници се договорија за „режим на тишина“ во Сирија од денеска на полноќ. Во Дамаск и неговата околина е воведен 24-часовен прекин на огнот, а во Латакија 72 часа.
Засега не е познато каков ефект ќе има ова примирје, но западните медиуми јавуваат дека е малку веројатно опозицијата да се придржува кон прекинот на огнот, имајќи предвид дека во воздушмите напади на владините сили во изминатите денови во Алепо загинале десетици луѓе.
Неколку лица се повредени денеска во воздушен напад, во кој е уништена болница кварт на сирискиот град Алепо, кој е под контрола на бунтовниците. Нападот се случува еден ден по бомбардирањето на болница на „Лекари без граници“, при што загинаа десетици луѓе, вклучувајќи и деца.
Во бунтовничкиот дел на градот била откажана петочната молитва поради интензивните напади.
Ново на Сител
-
Запален автомобилот на директорот на затворот ,,Идризово”
-
Халанд и Ортега го доближија Сити до шампионската титула
-
Најстудено на Попова Шапка, најмногу дожд во Крушево
-
Жалби до Управниот суд за изборните приговори, прва средба на работните групи на ВМРО-ДПМНЕ и Вреди
-
Во голем пожар во пристаништето Медулин уништени над 30 јахти | ВИДЕО
-
Без струја делови од Чаир и Аеродром
-
Нова рунда преговори меѓу Белград и Приштина за забраната за користење на динарот на Косово
-
Путин го поддржува кинескиот план за мирно решавање на кризата во Украина