Синдикатот на полицијата во Македонија в сабота на протест
Синдикатот на полицијата во Македонија на 8 мај ќе одржи протест под паролата „За ред, за правда, за дисциплина“, поради, како што наведуваат, притисокот кон полицијата, незаконски распределувања, недоволен број на униформи.
– Имаме колективен договор, што четири години е со поминат рок на траење, договор со кој вработените немаат никакви права и правата што се во договорот не се почитуваат, изјави денеска претседателот на Синдикатот на полицијата во Македонија, Орце Коцевски на прес-конференција пред канцелариите на Конфедерација на слободни синдикати на Македонија.
Коцевски истакна дека министерот за внатрешни работи Оливер Спасовски не ја пренесува вистинската слика во јавноста и потребно е да се слушне и мислењето на вработените во полицијата.
-Протестот ќе започне пред канцелариите на Европска Унија и ќе се движиме до Владата каде ќе го изразиме нашето незадоволство, најави претседателот на синдикатот.
Тој ги повика сите членови на Синдикатот на полицијата,вработените во МВР, сите колеги членови на братските синдикати да го поддржат протестот.
-Едно од приоритетните барања е зголемување на платите. Само полициските плати се замрзнати, нема додаток за борба со коронавирусот. Покрај здравствените работници и полициските работници се во првите редови на пандемијата, одговори Орце Коцевски на новинарското прашање во однос на нивните барања.
Тој додава дека со укинување на синдикалната чланарина на членовите, Синдикатот на полицијата не може да си ја врши работата.
Претседателот на Синдикатот на полицијата во Македонија најави дека в сабота ќе достават писмено барање до Владата и премиерот и очекува дека некој сериозно ќе ги разгледа барањата, а доколку барањата не бидат разгледани од надлежните, Коцевски истакна дека ќе преземат порадикални чекори.
Ново на Сител
-
Мишел и Фон дер Лајен со честитки во Сиљановска Давкова: Очекуваме соработка на европскиот пат на земјата
-
Алексеј Навални постхумно ќе ја добие наградата за мир во Дрезден
-
Каселакис: Ја повикуваме новата власт во Северна Македонија да се вразуми
-
Пријавена кражба на документација и компјутерска опрема од канцеларијата на УВМК во Прилеп
-
Пендаровски ѝ ја честита изборната победа на Сиљановска-Давкова и ѝ посака успех на претседателската функција
-
Лога: Непочитувањето на уставното име на државата ја прави ништовна заклетвата на Сиљановска
-
Татко пријавил дека му било испратено видео материјал од физички напад на неговата ќерка
-
Фон дер Лајен: Патот на Северна Македонија кон ЕУ да продолжи со спроведување на реформите и почитување на Преспанскиот договор