Силен земјотрес во Еквадор

Земјотрес со интензитет од 6,7 степени според Рихтеровата скала е регистриран денеска во западниот дел на Еквадор, соопшти Американскиот геофизички институт.

Како што јави ТАСС, земјотресот се случил на длабочона од 10 километри под површината на земјата, со епицентар на 58 километри јужно од крајбрежниот град Есмерачдас и 155 километри северозападно од Кито.

Засега нема информации за жртви и предизвикани материјални штети, а не е објавена ниту опасност за можна појава на цунами. 

Минатиот месец Еквадор го погоди земјотрес со јачина од 7,8 степени по Рихтер, при што загинаа над 650 лица.