Си: Вештачката интелигенција не смее да биде игра на богатите земји и луѓе

Кинескиот претседател Си Џинпинг на самитот на Г-20 во Рио де Жанеиро изјави дека вештачката интелигенција не треба да биде „игра на богати земји и богати луѓе“, пренесе кинеската агенција Ксинхуа.

Си, исто така, повика на поголемо меѓународно управување и соработка за вештачката интелигенција, пренесе Ксинхуа.

Претходно вчера, Си ја истакна поддршката на Кина за земјите во развој и вети повеќе иницијативи за помош, вклучително и предложена иницијатива со три други земји од Г20 за да му помогне на Глобалниот југ да добие подобар пристап до научните и технолошките иновации.

На седницата за реформирање на институциите на глобалното владеење, кинескиот лидер предупреди на опасностите од протекционизмот во име на зелената и нискојаглеродната развојна политика, алудирајќи на тарифите за кинеските производи како што се електричните возила и биодизелот наметнати од земјите од Г-20, вклучително и Обединетите држави, Канада и Европската унија.