Штетата од пожарот во „Глобал“ на сопствениците на тезги и продавниците е процената на над еден милион евра
Комисијата за проценка и утврдување на висината на штетата настаната од природни непогоди и други несреќи при Општина Струмица денеска утврди дека вкупната штета од пожарот во Трговскиот центар „Глобал“ на сопствениците на тезги и продавници изнесува вкупно 65.609.589 или над еден милион евра.
До Комисијата биле поднесени и прифатени вкупно 70 барања за проценка на штетата, од кои 20 се од физички и 50 од правни лица.
Во Извештајот на Комисијата се додава дека во пожарот се оштетени деловни простории, уништени или оштетени основни средства, како и трговска стока.
Извештајот утре треба да го разгледа Советот на општина Струмица, а Комисијата предлага на оштетените граѓани и деловни субјекти да им се даде помош во вид на непосредна парична помош или помош во намалување, односно ослободување од даночните обврски кои ги имаат кон владините институциите, како и обврските кон локалната самоуправа.
Во пожарот, кој избувна ноќта на 2 јануари, беше опожарена една третина од Градскиот пазар, повеќе продавници на приземјето и првиот кат, дел од вториот и третиот, а се урна и покривот.
Од почетокот на овој месец почна со работа делот од Градскиот пазар, кој не беше опожарен, како и продавниците на сите спратови.
Ново на Сител
-
Изгласана Резолуцијата за Сребреница во ОН – 11 јули се прогласува за Меѓународен ден на сеќавање на геноцидот:
-
Тројца повредени во сообраќајка на крстосницата кај Башино Село на автопатот над Велес
-
Претседателката оствари телефонски разговор со Зеленски: Украинскиот народ може и во иднина да смета на македонското сојузништво
-
63-годишен маж демнеел женско лице од Дебар по што и го украл телефонот на работното место
-
Графитите избришани, сторителите непознати, насликана нова содржина на монументот на гостиварскиот кеј
-
Левица: Црква изградена во 1874 година настрада од минирањата на „Бехтел и Енка“
-
Потврден 30-дневниот притвор за врховнот судија Георгиев
-
110 пушки од Првата светска војна пронајдени при ископ во Старата касарна во Битола