Шилегов: Скопје, силен град каде што луѓето се важни
Кандидатот за градоначалник на Скопје Петре Шилегов со видеопорака се обрати на граѓаните на Скопје, повикувајќи ги масовно да излезат на гласање в недела, на 17 октомври. Тој во своето обраќање потенцираше дел од своите завршени и идни проекти.
– Сообраќајните решенија кои ги реализираме ќе значат град без метеж, а Скопје ќе ја добие најголемата пешачка зона од сите европски градови. Со ова, Скопје целосно се менува и станува европска метропола со многу јавен простор, зеленило и врвна инфраструктура, вели Шилегов во своето обраќање.
В недела, како што посочува, не избираме само градоначалник, туку дали Скопје останува да се движи во правилна насока.
– За мене политиката е само средство за создавање услови за достоинствен живот за секој човек. Тоа е политика која гради мостови и обединува, политика која го води Скопје кон заедницата на најразвиените градови во Европа. Мојата политика има јасна цел – модерна инфраструктура, врвен јавен транспорт и чиста и здрава животна. Јас го сакам Скопје каде младите со задоволство ги создаваат своите семејства, Скопје во кое сите се добредојдени, зелено Скопје со насмеани, задоволни и среќни луѓе. Скопје, силен град каде што луѓето се важни, вели Шилегов.
Мостовите, булеварите и тунелите, како што рече, се реализација на неговата визија за поврзан град.
– Тие ги поврзуваат луѓето и го прават Скопје единствено и силно. Ова е Скопје што сакам да продолжам да го градам со сите вас. Ја барам вашата поддршка за заедно никогаш да не застанеме. А јас ќе продолжам да бидам градоначалник на кој луѓето и Скопје секогаш му се на прво место, заврши Шилегов.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање