Серија А: Деби гол на Трајковски

Македонскиот репрезентативец Александар Трајковски во 16.коло го постигна својот гол првенец во Серија А. Трајковски го постигна третиот гол за Палермо кој убедливо славеше над Фрозиноне со 4:1.

 

Екипата на Палермо го прекина постот и по три кола без победа славеше над Фрозиноне. Со оваа победа Силицијанците се искачија на 15-то место на табелата со 18 бодови. 

 

Палермо по 20 минути имаше предност од два гола, откако мрежата на Фрозиноне ја погодија Голданиџо и Васкез. Самарко во второто полувреме ја намали предноста на Палермо, а потоа по на истекот на 60-та минута Трајковски постигна брилијантен гол за 3:1. Победата на Сицилијанците ја потврди ветеранот Џилардино во 86.минута. 

 

Џенова, за која играше Горан Пандев до 71.минута загуби од Болоња (0:1). Џенова беше подобар тим, во првото полувреме пропушти три добри шанси, од кои една Пандев, а Болоња ги казни тие промашувања во 91.минута кога единствениот гол го постигна Росетини. 

 

Интер, во последниот меч од саботната програма, славеше на „Фриули“ во Удине со 3:0. Интер до убедливиот триумф стигна благодарение на трите катастрофални грешки на дефанзивците на Удинезе. Икарди и Јоветиќ погодија во првото полувреме, а победата на лидерот на табелата ја потврди во самиот финиш кога стрелци беа Икарди и Брозовиќ.