Сенатот на САД го назначи Дејвид Бернхард за министер за внатрешни работи
Американскиот Сенат синоќа го потврди именувањето на Дејвид Бернхард за секретар за внатрешни работи на САД, кој досега беше вршител на должноста на оваа функција.
За негово именување гласаа 56 сенатори, а 41 беа против.
Бернхард е назначен на оваа должност и покрај критиките од демократите, поради неговото искуство како лобист во нафтената индустрија, кој ја користел својата позиција во федералната Влада во полза на интересите на клиенти од енергетиката.
Демократите посочуваат дека Бернхард работел на намалување на ефектите од Законот за заштита на ретки видови, вклучувајќи и порелаксирани мерки за заштита на калифорниските видови риба, објави „Вашингтон Пост“.
Американското Министерство за внатрешни работи не е државен орган за безбедност, туку се занимава со управување и заштита на земјиштето и животната средина во сопственост на федералната Влада.
Бернхардт беше вршител на должноста на министер за внатрешни работи на САД од почетокот на јануари, кога неговиот претходник Рајан Зинке беше сменет поради скандалот со ненаменско трошење на буџетски средства.
Ново на Сител
-
Љупчо Палевски Палчо екстрадиран од Турција и сместен директно во Истражниот затвор во Шуто Оризари
-
Тема на денот со Горан Илијевски - Партија на Македонците во Србија
-
Атентат врз словачкиот премиер
-
Флекс кредит и СОС Детско Село заедно за Денот на семејството
-
Предизборниот и постизборниот период продуцира економска криза, сметаат економистите
-
Со нож и се заканија на претседателката на Уставен Кацарска
-
Запален службениот автомобил на директорот на Идризово- оштетена и блиската зграда
-
Уставен го одби барањето на судиите да го врати коефициентот за повисоки плати