СЕХА лига: Вардар домаќин на Татран Прешов

 

Македонскиот ракометен шампион Вардар вечерва пред својата публика во „Јане Сандански“ ќе го игра шестиот натпревар во регионалната СЕХА лига.

 

Црвено-црните, кои досега имаат четири победи и еден нерешен резултат, ја пречекуваат екипата на Татран Прешов која пред два дена го загуби првиот меч на гостувањето во Скопје, кога беше поразен од Металург.

 

- Во добра форма сме и сакаме да го продолжиме победничкиот од. Не смееме да бидеме опуштени, зашто во СЕХА лигата секој тим е конкурентен. Нашата цел е повторно да играме на Ф4 турнирот, што значи дека не смееме да дозволиме да губиме бодови. Се сеќаваме како игравме против Мешков и подготвени сме да го дадеме максимумот против Татран Прешов, изјави Стојанче Стоилов, капитен на „Вардар“.

 

Средбата Вардар – Татран Прешов ќе започне до 20 часот и 30 минути, а е една од двете која се игра денеска во СЕХА конкуренцијата.

 

Во првиот меч во Загреб, на хрватскиот шампион му гостува словенечкиот тим Горење Велење.

 

Табела: Вардар 13 бодови, Веспрем 9, Целје 9, Мешков Брест 7, ППД Загреб 3, Горење Велење 3, Металург 3, Нексе 3, Татран Прешов 3 и Извиѓач 0.