Седумгодишно дете загина во руски напади во областа Запорожје

Седумгодишно дете загина, а три лица се ранети во синоќешните руски напади во областа Запорожје во централна Украина, додека девет лица се повредени во Киев, соопштија украинските власти.

Киев синоќа беше цел на голем руски напад, по што источниот дел од главниот град на Украина остана без електрична енергија.

Министерството за енергетика соопшти дека низ целата земја „Русите нанесуваат масовни удари врз украинската енергетска инфраструктура“.

Украинското воено воздухопловство на Телеграм информира за „напад со непријателски балистички ракети и масовен напад со дронови“, повикувајќи го населението да остане во засолништа.

МИА