Се реставрира градската фонтана во Крива Паланка

 

- Се санираат оштетувањата настанати со долготрајните атмосферски влијанија, но се внимава на зачувувањето на препознатливиот лик на камената фонтана со три водоскоци. Елементите на фонтаната која го зазема централнито дел на паркот и му дава особен белег, ќе бидат разубавени и надополнети со ситни украсни елементи, информира директорот на „Комуналец“, Томе Тодоровски.

 

Додаде дека нивото на главната градба ќе биде поставено повисоко од претходното за да може да се направи уште еден додатен елемент што ќе го надополни амбиентот на градскиот парк, импровизирана река која ќе се слева во коритото на Крива Река.

 

Наспроти фонтаната ЈП „Комуналец“ поставува голема украсна шаховска табла, наменета за сите посетители на паркот, љубители на шах.