Се обиделе да продадат месо замрзнато пред 40 години

Полицијата во Романија пронашла пет тони замрзнато месо пред 40 години, кое требало да се пушти на пазарот, пишува „RomaniaLibera“.

 

Месото е откриено во истрага за даночна измама, а требало да се продава во две продавници.

 

Лабораториските анализи покажале дека е замрзнато во осумдесеттите години на минатиот век, а во продажба требало да се пушти овој месец.

 

Според тестовите, место пред шест години било одмрзнато и после тоа повторно замрзнато, откако му е продадено на сопственикот на продавниците, бизнисменот Разван Димофтачи, пренесува Дејли Меил.

 

Докторот Питер Алекс кој ги правел тестовите, изјавил дека месото е сосема несоодветно за исхрана на луѓе.