Се чисти снегот на потешко пристапните улици во Карпош
Општина Карпош ангажираше зимска комунална служба, која рано утринава излезе на терен и го чистеше снегот на потешко пристапните улици низ локалната самоуправа, со четири специјализирани возила опремени со плуг, голем тенк за сол и ризла, информираат од општината.
– При интервенција на теренот, досега беа употребени 47 тони сол, а комуналните служби на фирмата „Анизор“, првенствено го расчистуваа коловозот во таканаречената „висока зона“ во општината, поточно во населбите Жданец, Трнодол, Нерези и Бардовци. Со соодветна механизација беа расчистени улиците „10“ и „6“ во населбата Бардовци, потоа улиците „Леринска“ и „Ловќенска“ бр. 1, 4 и 9, „Милан Марковиќ“ во Козле, улицата „Козле 1“ и патот до муслиманските гробишта, во Нерези, патот во Долно Пантелејмон (кај православните гробишта), како и улиците „Трнодол“, „Жданец“ и „Теодосие Синаитски“. Исто така, службите ја исчистија и улицата „Загребска“ која води до Институтот за белодробни заболувања „Козле“, се вели во соопштението.
Од Општината додаваат дека комуналните служби ги расчистуваат и пешачките зони низ пофреквентните места во локалната самоуправа, како и пристапните влезови на детските градинки и апелираат до сопствениците на трговски локали, да бидат одговорни и да го расчистат снегот кој се наоѓа пред нивните објекти.
Ново на Сител
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување
-
Во рамки на акцијата „Темпули“ полицијата во Тирана уапси 20 лица и заплени кокаин, хероин и канабис
-
Приведени 14 државјани на Србија кои измамиле германски државјани за милион евра
-
Зголемен бројот на работници во индустријата
-
78-годишен тетовчанец тешко повреден во сообраќајка
-
Утре и задутре локални врнежи, во недела стабилно и потопло