СДСМ: ВМРО-ДПМНЕ ја поскапе струјата за 100 проценти
ВМРО-ДПМНЕ ја поскапе струјата за 100%, СДСМ ја воведе ефтината тарифа, се создаваат услови за извоз на струја и намалување на цената на електричната енергија.
ВМРО-ДПМНЕ за 11 години криминално владеење ја поскапе струјата за граѓаните за дури 100% и ја укина ефтината тарифа.
Домашните производствени капацитети беа запоставени, не се произведуваше струја, туку се увезуваше скапа струја со што директно се удри врз џебот на граѓаните.
Точно пред 1 година токму опозициската ВМРО-ДПМНЕ имаше серија на вакви лажни прес конференции како денешната на кои неосновано тврдеше дека струјата ќе поскапи за 20%. Тоа не се случи.
Се што кажа ВМРО-ДПМНЕ излезе невистина.
За само една година, со успешно, домаќинско и одговорно работење на Владата предводена од СДСМ се воведе ефтината тарифа на струјата, Македонија го зголеми сопственото производство на електрична енергија, земјава продава струја и се создадоа услови за намалување на цената струјата.
Со воведувањето на ефтината тарифа на струјата остануваат 11 милиони евра годишно, повеќе пари кај граѓаните.
Од почетокот на оваа година, на три аукции, вкупно се продадени 170.160 MWh со приход од над 8.7 милиони евра (8.720.558 евра).
За споредба, во 2017 година воопшто не биле произведени ниту продадени вишоци електрична енергија.
Споредбата во времето кога кадри на ВМРО-ДПМНЕ раководеа со ЕЛЕМ, како Христијан Мицкоски, покажува дека: од држава зависна од увоз на електрична енергија, денес Македонија продава вишоци на електрична енергија.
Се потврдува дека со домаќинско и одговорно управување се постигнуваат значителни резултати од кои се обезбедуваат повеќе пари за државата а бенефит на крајот имаат сите граѓани.
Ново на Сител
-
Претседателот на Собранието ги распиша локалните избори на 19 октомври
-
18-годишник со мопед удрил во паркирано возило, тешко повредена неговата малолетна сопатничка
-
НАТО го поздрави мировниот договор меѓу Ерменија и Азербејџан
-
Сирија одбива да учествува на состаноците со курдските сили во Париз
-
Иран го поддржа мировниот договор меѓу Азербејџан и Ерменија
-
Кабел со кој се крадела електрична енергија предизвикал пожар на куќа и бандера во Чаир
-
Пожар во автобус на ЈСП - во него немало патници
-
Исчезна 16-годишно девојче во Струмица