СДСМ: Наместо за здравството, ВМРО-ДПМНЕ трошеше стотици милиони на споменици

Наместо за здравството, ВМРО-ДПМНЕ трошеше стотици милиони на споменици, новиот Клинички центар е историска инвестиција за интегрирани здравствени услуиги

ВМРО-ДПМНЕ е партијата којашто потроши над половина милијарда евра на криминалниот проект Скопје 2014 и најмалку може да зборува за одговорно трошење на парите на граѓаните.

Освен хаос и нефункционален здравствен систем кој повеќе разболуваше, ВМРО-ДПМНЕ не направи ништо друго во овој исклучително важен сегмент, директно поврзан со здравјето на граѓаните.

Доколку ВМРО-ДПМНЕ навистина се грижеше за потребите на граѓаните, за 11 години власт ќе изградеше современ и ефикасен Клинички центар и ќе ги реконструираше сите здравствени домови. Но наместо тоа, ВМРО-ДПМНЕ парите на граѓаните ги трошеше за задоволување на криминални интереси, оставајќи зад себе урнисано здравство и осирмашени граѓани.

Владата предводена од СДСМ останува силно посветена во градењето на квалитетен, модерен и ефикасен здравствен систем. Проектот за новиот клинички центар е дел од тоа. Македонија по 80 години добива нов, современ Клинички центар што трајно ја решава потребата од интегрирани здравствени услуги за сите граѓани на Република Македонија.