Фудбал
24. February 2023 - 13:43

Реал без повредените Алаба и Родриго во градското дерби

Европскиот фудбалски првак Реал Мадрид во саботното градско дерби против Атлетико ќе биде ослабен поради неиграњето на своите двајца стандардни првотимци, Давид Алаба и Родриго.

Обајцата се повредија во победата на гостински терен над Ливерпул (5-2) претходно оваа недела во првиот осминафинален натпревар во рамки на Лигата на шампиони.

Алаба поради повреда на мускулот го напушти теренот на „Енфилд Роуд“ во 27 минута и според шпанските медиуми австрискиот репрезентативец би можел да паузира еден месец.

Родриго поради проблеми со препоните беше заменет во финишот на дуелот против Ливерпул и ќе отсуствува од теренот во следните десет дена.

Дуелот меѓу Реал и Атлетико е на програмата в сабота од 18:30 часот на стадионот „Сантијаго Бернабеу“.

Реал е второпласиран во Ла Лига со 51 бодови, десет повеќе од Атлетико на четвртото место.

Лидер Барселона со 59 бодови.