Разузнавачи на САД истражуваат дали Пјонгјанг произвел минијатурна боева глава

Американски разузнавачи проценуваат дали Северна Кореја успешно произвела минијатурна нуклеарна боева глава што може да се стави во ракета, објави „Вашингтон пост“.

Весникот повикувајќи се на неименувани извори, пренесува дека американската Воено-разузнавачка агенција овој месец направила доверлива анализа.

Јапонското Министерство за одбрана соопшти дека е можно Северна Кореја да изработила минијатурно нуклеарно оружје и дека развила нуклеарни боеви глави.