Рамазан: Оваа година најкратко ќе се пости во Јужна Америка
Месецот Рамазан, во кој муслиманите во светот постат, воздржувајќи се од храна и пијалоци, оваа година почнува в сабота на 27 мај.
Воздржувањето од храна и пијалаци почнува во утринските часови на молитва во зори, пред изгрејсонце, а завршува со залез на Сонцето, потсетува сараевски Кликс.
Последните неколку години Рамазан во Европа е во летните месеци, што значи и долги денови на северната хемисфера кои со себе носат големи жештини и спарини. Наспроти тоа, Рамазан на јужната хемисфера паѓа во најкратките, зимски денови.
Според документ на Ријасетот на Исламската заедница на БиХ најдолгите денови на постот оваа година ќе бидат 24, 25 и 26 ден на Рамазан, т.е. 19, 20 и 21 јуни кога постот ќе трае 18 часа и 14 минути.
На глобално ниво, најкратко ќе постат муслиманите во Јужна Америка, каде постот ќе трае околу 10 часа. Најдолг е постот на Гренланд, а трае околу 21 час.
Муслиманите во Европа ќе постат од 14 до 20 часа, во Африка од 11 до 14 часа, а во Австралија околу 11 часа.
Ново на Сител
-
Брнабиќ: Во следните 48 часа ќе има седница на која Вучевиќ ќе предложи министри за новата влада
-
Две лица се повредени во пожар во фабрика за ракетни погонски системи во близина на Белград
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера