Прв пат гласање во старски домови
Гласањето во старски домови е уште една новина на годинешниве предвремените парламентарни избори. 357 повозрасни граѓани денеска за прв пат го остваруваа гласачкото право во 17-те домови за стари лица низ државата каде и се згрижени. Еден од домовите го посетија и членови на ДИК за на лице место да видат какос е одвива гласањето.
-Гласањето во 17 домови за стари лица низ државата се одвива одлично и без никакви проблеми. Навистина ми е драго што присуствував на овој настан затоа што исклучително добро е организирано ова гласање, информираше Оливер Дерковски, претседател на Државната изборна комисија.
Во текот на денот своето гласачко право под посебни протоколи можат да го остварат и 8852 болни и изнемоштени лица ширум државата сместени во здравствена установа или се на домашно лекување.
-
Александар Динев
Сите содржини од овој новинар