Приведено лице барано по потерница

Денеска (18.11.2021) во 13.10 часот на ул.„Симеон Кавракиров“ во Скопје, полициски службеници од Оперативен тим потраги при СВР Скопје го лишиле од слобода Е.Р.(30) од Шуто Оризари, скопско. За него била распишана Централна потерница по наредба на Основен кривичен суд Скопје за издржување казна затвор од две години и шест месеци за сторено кривично дело „тешка кражба“ по член 236 од Кривичниот законик. Лицето ќе биде предадено на казнено-поправна установа за издржување на казната.