Приведени двајца скопјани, пронајдени марихуана, пиштол, куршуми
Полициски службеници од Одделот за криминалистичка полиција – Сектор за недозволена трговија со дрога, оружје и опасни материи во координација со Единицата за недозволена трговија при СВР Скопје ги лишија од слобода А.В.(74) и С.В.(45), осомничени за сторени кривични дела „неовластено производство и пуштање во промет на наркотични дроги, психотропни супстанции и прекурсори“ и „недозволено изработување, држење и тргување со оружје или распрскувачки материи“.
По претходно издадена наредба од судија на претходна постапка од Основен кривичен суд Скопје, соопштија денеска од МВР, полициски службеници извршиле претрес во домот и другите простории каде живеат А.В. и С.В., на подрачјето на Синѓелиќ, при што пронашле повеќе пакувања со околу 10 килограми марихуана, неколку шишиња со хашишово масло, еден пиштол „Црвена застава“ со две рамки и 57 куршуми.
– По документирање на случајот, против двете лица до Основното јавно обвинителство Скопје ќе биде поднесена кривична пријава поради постоење основи на сомнение дека ги сториле кривичните дела предвидени и казниви по чл.215 и по чл.396 од Кривичниот законик, стои во соопштението од МВР. цр/сп/
Ново на Сител
-
Реал поднесе жалба против судијата кој не ги регистрира навредите кон Винисиус
-
Циклон на северот на Австралија, 700 луѓе останаа блокирани од остатокот од земјата
-
На 42-годишна возраст почина момчето на Арина Сабаленка
-
Кари се искачи на 30. место на листата на најдобри стрелци на сите времиња во НБА
-
На патот Крива Паланка – ГП Деве Баир да се управува внимателно, се работи на патот и има одрони
-
На полноќ истекува рокот за доставување на кандидатури за претседател на државата
-
Шведската амбасадорка Ларсон денеска во Скопје
-
Во Собранието закажани седници на три комисии