Приштина: Без договор за продолжување на мандатот на ЕУЛЕКС

На состанокот во Приштина, на кој синоќа присуствуваа косовскиот претседател Хашим Тачи и други косовски претставници, како и претставници од ЕУ, не е постигната согласност за продолжување на мандатот на ЕУЛЕКС во Косово, пренесуваат приштинските медиуми. 

На состанокот присуствуваа и премиерот Иса Мустафа, претседателот на парламентот Кадри Весели, министрите за правда и внатрешни работи и државниот обвинител, како и шефот на ЕУ за Косово, Самуел Жбогар и шефот на Еулекс Габриијел Меучи, пренесува РТК. 

Како што се наведува, претставниците на косовската иницијатива и ЕУ денеска треба да ги соопштат деталите за продолжување на мисијата.