-->
-->
Претставен новиот систем за присилно запирање на возила на МВР
-->
Во пресрет на одбележувањето на 7 мај Денот на полицијата, припадниците на полициската станица за безбедност во патниот сообраќај Тетово, денеска го преставија новиот систем за присилно запирање - Стингер. Во активноста учествуваа обучени службеници од Полициската станица за безбедност на патниот сообраќај .
-Ова средство ќе се користи кога возачот е осомничен за сторено криминално дело. Предноста на новиот Стингер систем во однос на поранешните ,,Ежови “ е тоа што сега при ваквата интервенција најмногу што може да се случи се сите четири пневматици од возилото да се дупнат и тоа безбедно да запре за да може да се соодветно да се интервенира врз возачот и евентуално другите осомничени во возилото. Овој систем е применлив на сите видови возила и тоа е систем изработен во САД, кој денеска го применуваат многу полиции во светот, изјави заменик командирот на полицискаат станица за безбедност во патниот сообраќај Тетово Дарко Блажевски.
При демонстрацијата на системот полицајците го поставија Стингер непосредно пред поминување на автомобилот со осомничениот возач при што единствена штета беше предизвикана на предните два пневматика на возилото кое потоа мораше да запре, а полицајците го уапсија осомничениот. Активноста беше изведена во близина на станицата на безбедност во патниот сообраќај Тетово.
Во рамките на денешните активности за одбележување на денот на македонската полиција, заградата на СВР Тетово ја посетија петнаесетина ученици од завршните одделенија на тетовското основно училиште „Истикбал“. Основците од ова училиште имаа непосредна можност да видат каде се сместени и како функционираат неколку служби на Секторот но и да ги прашаат и да добијат одговори од полициските службеници ангажирани за нивно запознавање со работата на истите.
-Посетата е составен дел од континуираните активности на СВР Тетово за доближување на полицијата до граѓаните и особено до младите со цел да се надминат некои стари предрасуди и стереотипи но и да се придонесе за продлабочување и унапредување на меѓусебната доверба и соработка. Тоа се основни цели и на повеќето превентивно-едукативни проекти кои лани и годинава, а и претходно, се реализираат во основните и средните училишта на подрачјето, изјави портпаролот на СВР Тетово Марјан Јосифовски.
-->
-->
-->
Ново на Сител
-
Данска испраќа нов пакет воена помош за Украина во вредност од 750 милиони евра
-
Демири: Ако го суспендирав директорот на Токсикологија пред избори, ќе го сфатевте како политичка кампања
-
Јавна расправа на Управниот суд за тужбата од Коалицијата „Вреди“
-
Тошковски - Давкова: Ќе градиме општество во кое основен принцип ќе биде владеење на правото
-
Мицкоски: Од Грција очекував честитки, а не политички мускули, повикувам на добрососедски и пријателски односи
-
РКЕ: Цените на бензините, дизелот и екстра лесното масло за домаќинство остануваат исти, се намалува само цената на мазутот
-
Приведен 29-годишник кој избегал од кумановскиот затвор
-
ЈОРСМ: Дадена наредба за обдукција на починатиот притвореник од Затвор Куманово