Претседателот на Гана прв во светот прими вакцина од програмата Ковакс
Претседателот на Гана, Нана Акуфо-Адо денеска се вакцинираше против коронавирусот, со што стана првата личност во светот што ја прими вакцината против Ковид-19 од програмата Ковакс.
Ковакс е глобална иницијатива за помош на сиромашните земји во снабдувањето со вакцината, заеднички покрената од Светската здравствена организација (СЗО) и Сојузот за вакцини (ГАВИ), со цел неразвиените земји и земјите во транзиција да можат да добијат вакцини, бидејќи тие немаат доволно можности да потпишат договори за набавка со производителите.
Акуфо-Адо, 76-годишен претседател на западноафриканската држава, во која минатата среда пристигна првото доставување вакцини од програмата Ковакс, ја прими првата доза на вакцината „АстраЗенека“.
– Многу е важно да дадам пример и да покажам дека оваа вакцина е безбедна, така што секој во Гана може да одлучи да се вакцинира без страв, рече шефот на државата.
Ковакс склучи договори со производителите за две милијарди дози во 2021 година и можност за купување уште милијарда дози, а на располагање е финансиски механизам за помош од таа програма за 92 земји со ниски и средни приходи.
Ново на Сител
-
Агенти на СИПА се обиделе да го уапсат Додик во Источно Сараево, но биле спречени од припадници на МВР на Република Српска
-
Зеленски признава дека разговорите биле „емотивни“, алудирајќи на спорот околу Крим
-
Во Собранието пратенички прашања
-
Трамп: Мислам дека имам договор со Путин и со Зеленски за решавање на војната во Украина
-
Без струја делови од општините Ѓорче Петров и Аеродром
-
Променливо облачно со повремени локални врнежи од дожд и грмежи
-
Трамп со критики за Зеленски по изјавата за Крим: Завршете ја работата, ќе ја изгубите цела земја
-
Вучиќ: Студентите ќе продолжат со насилства, државата ќе одлучи кога насилствата ќе завршат