Прекатегоризиран дел од регионалниот пат кој минува низ Богданци

Со владината одлука за измена на Одлуката за категоризација на државните патишта, која влезе во сила при крајот на септември, во делот на регионалните патишта извршени се измени со кои се опфаќа и главната сообраќајница која минува низ центарот на Богданци, потврдија денеска од општината.

Според измените, главната сообраќајница Маршал Тито, која беше дел од регионалниот пат Фурка-Гевгелија, се прекатегоризира од транзитен пат во улица, а наместо неа за дел од регионалниот пат е назначена обиколницата околу Богданци.

Од општината велат дека ова бил еден од неопходните чекори кои требало да се направат за да може непречено да почне реконструкцијата на обиколницата од страна на Јавното претпријатие за државни патишта.