Правда и внатрешни работи теми на Министерски форум – ЕУ Западен Балкан утре и задутре во Скопје
Министерски форум – ЕУ Западен Балкан за правда и внатрешни работи ќе се одржи утре и задутре во Скопје во рамки на финското претседателство со Советот на Унијата.
Првиот ден од конференцијата ќе биде посветен на секторот правда, вториот на секторот внатрешни работи, а на настанот како што соопшти Европската комисија ќе учествуваат еврокомесарите за правда и за миграција, Вера Јоурова и Димитрис Аврамопулос.
В понеделник, комесарката за правда Јоурова, како што јави дописничката МИА од Брисел, ќе учествува на состанокот на кој ќе се дискутира за владеењето на правото и судските реформи, како и за условите во затворите и употребата на алтернативни санкции. Јоурова истиот ден ќе одржи и дебата со студентите од Правниот факултет.
Во вторник, еврокомесарот за миграција Аврамопулос ќе биде дел од министерскиот состанок за внатрешни работи на кој ќе се разговара за соработката во делот на миграциската политика и граничното управување помеѓу ЕУ и регионот.
Ново на Сител
-
Изречени казни од над 350.000 евра за неправилности на плажи во Грција
-
Филков - Гир: Спроведувањето на реформската агенда приоритет на државата
-
Израелската војска ги повика Палестинците да се евакуираат од неколку населби на градот Газа
-
Перински: Јавниот повик за општините веднаш по ребалансот на Буџетот, на располагање ќе ги имаат првите 100 милиони евра
-
Оливер Зафировски назначен за директор на Клиниката за пулмологија и алергологија во Скопје
-
Езерската полиција спасила две малолетни лица во водите на Охридското Езеро
-
Дефинитивно денови за паметење – Народната и забавната музика ги разгореа жештините во Кратово | ФОТО
-
Три жени повредени во сообраќајка кај „Мавровка" | ФОТО