Повторно се зголемува количеството јаглероден диоксид што се испушта во атмосферата
Британско истражување покажа дека количеството јаглероден диоксид што се испушта во атмосферата се зголемило за два процента во 2017 година, достигнувајќи околу 41 милијарда тони.
Зголеменето испуштање на гасот доаѓа по три години, во кои не беше забележан раст во испуштање на СО2, гасот за кој научниците предупреуваат дека предизвикува ефект на стаклена градина и ја загрева планетата, јави новинската агенција ДПА.
Научници од британскиот Универзитет на источна Англија го мереле испуштањето на јаглероден диоксид од страна на индустриските капацитети и сите други извори на СО2 за кои е одговорен човекот. Тие го објавија своето истражување во повеќе научни списанија, а во пресрет на климатската конференција која се одржува во Бон, Германија.
Истражувањето покажало дека САД и Европската Унија го намалиле количеството испуштен јаглероден диоксид за 0,4 односно 0,2 проценти, но се проценува дека зголеменото горење на јаглен во Кина и во САД ќе го анулира напредокот постигнат во изминатите четири години.
Ново на Сител
-
Американските сили објавија видео од Б-2А авионите пред нападот врз Иран
-
Да се избегнуваат патувања во земјите од Блискиот Исток со влошена безбедносна состојба, апелираат од МНР
-
Човек сам може да направи разлика, но, сите може да направиме историја, порача премиерот Мицкоски
-
Иран ќе продолжи со одмаздата како одговор на американските напади, вели висок ирански функционер
-
Мицкоски: Ќе се бориме да донесеме правда и да го урнеме системот на „бандитизам“ создаден од политички и бизнис структури
-
Бела куќа: Администрацијата на Трамп очекуваше иранска одмазда
-
Цените на нафтата паднаа за 5 отсто по нападот на Иран врз американската воена база
-
ИДФ го заврши својот досега најобемен бран напади врз Техеран