-->
-->
Повреден пешак од тетовско Слатино
-->
Педесет и четири годишен пешак од тетовското село Слатино здобил телесни повреди откако вчера наутро во него удрило патничко возило „Рено 4“, управувано од 54-годишен жител од Милетино.
Според Секторот за внатрешни работи (СВР) Тетово, несреќата се случила околу 6:30 часот на крстосницата меѓу регионалните патишта Тетово - Јажинце и Лешок-Желино.
Пешакот со истото возило бил пренесен во тетовската клиничка болница и е задржан на лекување. Увид на местото е извршен, се утврдуваат причината и околностите во кои се случила незгодата.
Во декември лани на пошироките тетовски простори се случиле 62 сообраќајни несреќи или 10 помалку во споредба со истиот период 2015-та. Во две несреќи две лица го загубиле животот, а декември 2015 имало една човечка жртва. Четири несреќи завршиле со тешки телесни повреди, 21 со лесни и 35 само со материјална штета од над четири милиони денари или скоро милион повеќе.
Најголемиот број од несреќите се случиле на тетовските улици, во вторник, во периодот меѓу 14 и 16 часот.
Во овој период, полициските службеници на Секторот за внатрешни работи Тетово вкупно исконтролирале 4.287 возила при што биле откриени 1.557 различни видови прекршоци. Законски се санкционирани 557 прекршочни, 563 мандатни платни налози и 416 писмени опомени.
-->
-->
-->
Ново на Сител
-
76-годишна прилепчанка измамена за 380.000 денари - ја убедиле дека внука ѝ ќе оди во затвор
-
Оштетен автомобилот на скопјанка по тепачка со жена на Бит Пазар
-
Скопјанец нападнат од својот малолетен внук
-
Зеленски: Украина стори се што беше можно да ги отвори преговорите со ЕУ во јуни
-
СЗО: Медицинска помош не е влезена во Газа од израелското заземање на преминот Рафа, на 6 мај
-
Словачкото обвинителство побара притвор за напаѓачот на премиерот Фицо, судот за тоа ќе одлучува утре
-
УЈП ги потсетува граѓаните да ги проверат своите годишни даночни пријави за 2023
-
Тешко повредено едно лице откако српско возило излетало од автопатот Неготино - Демир Капија