Спорт плус
23. August 2020 - 11:24

Поветкин го нокаутира Вајт

Русинот Александер Поветкин повторно се промовираше во кандидат за титулата во тешка категорија, откако двапати стануваше од подот за да го нокаутира Дилијан Вајт во петтата рунда од нивниот меч во дворот на куќата на промотерот Еди Херн.
 
Русинот беше надбоксуван во три рунди, а во четвртата двапати се најде во нокдаун, но кога изгледаше дека Британецот ќе обезбеди дуел за ВБЦ титулата во тешка категорија, Поветкин со застрашувачки аперкат со левицата во петтата го „уништи“ овој сон.
 
32-годишниот Вајт мораше да добие медицинска помош и не зборуваше по мечот, но промотерот Херн најави дека мечот ќе има и второ продолжение.
 
Поветкин, кој во кариерата имаа загубено само од Владимир Кличко и од актуелниот шампион во тешка категорија, Ентони Џошуа во кариерата долга 15 години, сега е официјален предизвикувач за ВБЦ титулата на Тајсон Фјури.