Повеќе од 20 луѓе загинаа во самоубиствен бомбашки напад во Кабул

Над 20 лица загинаа во експлозија што се случи во близина на авганистанското Министерство за надворешни работи, изјави неименуван претставник на Министерството.

Портпаролот на талибанците, кои ја презедоа власта во Авганистан во август 2021 година, изјави дека бомбаш-самоубиец се обидел да влезе и да го активира експлозивот во зградата на Министерството за надворешни работи во Кабул.