Пониски продажните цени на индустриските производи

Продажните цени на производителите на индустриски производи, во август годинава се пониски за 1 отсто на месечно ниво, а за 4,2 отсто на годишно ниво, објави Државниот завод за статистика. 

Во август 2015, во споредба со јули 2015, продажните цени на производителите на индустриски производи, се пониски во секторот Рударство и вадење камен за 1,6 отсто, во секторот Преработувачка индустрија за 1,1 отсто, a во секторот Снабдување со електрична енергија, гас, пареа и климатизација се повисоки за 1,3 отсто.

Во август 2015, во споредба со август 2014, продажните цени на производителите на индустриски производи, се пониски во секторот Рударство и вадење на камен за 1,9 отсто и во секторот Преработувачка индустрија за 4,7 отсто, а во секторот Снабдување со електрична енергија, гас, пареа и климатизација се непроменети.