Полициските моторџии денеска низ Охрид
Моторциклистите од Меѓународната полициска асоцијација кои се наоѓаат на тура низ Македонија денеска ќе возат низ Охрид и долж источното крајбрежје на Охридското Езеро.
Повеќе од 130 моторциклисти од Македонија, Србија, Црна Гора, Хрватска и Словенија прво ќе го посетат туристичкиот комплекс „Свети Наум“, а во 14:30 часот ќе го започнат дефилето низ Охрид.
Стартот на дефилето е од булеварот „Туристичка“ кај „Билјанини извори“ до кружната крстосница кај „Охридска банка“ а потоа по булевар „Македонски просветители“ до градското пристаниште. За учесниците на ИПА мото средбата, предвидено е туристичко разгледување на Охрид и бродска пловидба по Охридското Езеро.
Утре во 10 часот моторциклистите продолжуваат кон манастирот „Св.Јован Бигорски“.
Посетата на Охрид и денешното дефиле е во рамките на третата ИПА-мото средба на мотоциклисти во организација на Меѓународното полициско здружение ИПА Оддел Македонија и Мото Клуб ИПА Македонија, со подршка на ИПА регион Охрид и СВР Охрид.
Мото средбата започна пред два дена со дефиле низ Скопје од каде моторциклистите го посетија Крушево и Битола.
Ново на Сител
-
Уапсен врховниот судија Наке Георгиев фатен на дело со 10,000 евра мито
-
Приведен судија од Врховен суд за примање поткуп
-
Тема на денот со Срѓан Керим
-
Преговорите за Влада во напредна фаза, ВМРО-ДПМНЕ инсистира на квалитетни кадри од албанскиот партнер
-
Во среда прегласување на седум избирачки места, од полноќ изборен молк
-
Предупредувања од Европската Комисија за Преспанскиот договор
-
Владата не дава 100 евра по жител, пораките се лажни!
-
Смртни закани и за градоначалникот на Кавадарци