Подароци за итните служби во Крива Паланка од општината

 

Традиционално,осма година по ред, Алексовски ги посети Полициската станица од општа надлежност Крива Паланка, Територијалната противпожарна единица и итната медицинска служба и им врачи електрични апарати согласно претходно остварената координација за нивните потреби. Тој им ги честиташе празниците на вработените во дежурните служби упатувајќи благодарност за нивната посветеност. 

 

- Итните служби чиишто вработени дежураат за време на празниците, а ќе бидат во приправност и за време на новогодишната ноќ добија пригодни подароци од локалната самоуправа на општина Крива Паланка. Овие служби не би требало да бидат пренатрупани со работа во најлудата ноќ, посакувам само да бидат зафатени вработените од Гинеколошко-акушерското одделение и да има што повеќе дечиња во следната година, рече Алексовски.

 

Градоначалникот се информираше за подготовките кои службите ги имаат направено за се да помине во најдобар ред на дочекот на Новата година и во текот на празничните денови.