Почнува фестивалот за процесирање култура „ДримОн“
Под мотото „Крени уши“ од денеска до 31 јули во Струга ќе се одржи 4. издание на Фестивалот за процесирање култура „ДримОн“ во организација на Здружението на млади уметници „Иницијатива за независен културен активизам – ИНКА“.
Петте фестивалски денови нудат дебати, изложби, музички настани, перформанси, филмови, работилници со звучни имиња од културата и уметноста за сите генерации. Секој ден ќе има своја тема меѓу кои се „Фешта во фацата на хипокризијата“, „Све(с)т во транзит“, „Сираци на татковината“, „IN ABSENTIA“ и „Колку е часот“.
- Фестивалот ќе понуди сцена за изразување различни прогресивни погледи, поинакви настапи на активизам и ќе инспирира критична демократска мисла на граѓаните. Годинашниот слоган е „Крени уши“, што подразбира дека ни треба опоравување, закрепнување и подигање на нивото од шундот, кичот и падот на вредности што се случува општеството, информира Кристина Тодороска-Петреска од здружението ИНКА.
Фестивалот ќе биде отворен со групна изложба од повеќе млади автори од македонската современа ликовна сцена и концерт на „Штутгарт онлајн“. На програмата се и изложбите „Вечното враќање“ на Оливер Маринковски, „Прошетка низ наративните линии“ на Ангел Миов и „Оставете ги да зборуваат“ на Сабина Гузик. Музичкиот дел е поделен на дневни и ноќни активности на кои настапи ќе имаат повеќе групи и диџеи.
Ќе има и работилници со теми од областа на танцот, сликање на текстил, изработка на колажи, детска работилница со театар на сенки, стенсил и графити работилници... Во филмскиот дел ќе има проекции одбрани шпански филмови во соработка со Скопје филм фестивал, кратки документарни филмови нa Скуп, филмовите „Девојката што паѓа“ на Владимир Лукаш, „Кружниот пат на Марето“ од Жарко Иванов, филмови на Синиша Ефтимов и Јане Алтипармарков. Филмската програма традиционално ќе заврши со театарска претстава „Госпоѓица Јулија“ на Театар „Фабрика“, во копродукција со Драмски Театар.
Целта на „ДримОн“ е обезбедување слободен влез за публиката во реалните достигнувања на современата уметност, промоција на независниот филм, литература, театарската и музичката сцена и поттикнување на културниот активизам.
Ново на Сител
-
Православните верници го слават Велигден
-
ЦУК: Имаше пожар во Домот за стари лица во Банско
-
Г.г. Стефан: Да ги зацврстиме единството и слогата, да ги надминеме разногласијата и меѓусебните поделби
-
Италија ја исклучи можноста за воена интервенција во Украина
-
Русија распиша потерница и за командантот на копнените сили на Украина, Пављук
-
Шолц го осуди нападот врз европратеник од германската Социјалдемократска партија
-
Состојба на патиштата
-
Претежно сончево и потопло