Почнува деветата ликовна колонија „Дрен“

Со изложба на визуелниот уметник Мирна Арсовска и историчарот на уметност Дејан Буѓевац, вечер во Центарот за култура „Марко Цепенков“ во Прилеп ќе почне деветтата  ликовна колонија „Дрен“.

Заедничката инсталација „THE EX-ORPHANS“ содржи две видео остварувања и еден поетски текст насловен „Смртта знае“.

Колонијата од годинава има мултимедијален карактер и ќе се одржува во ликовното ателје и во дворот на Центарот. Ќе учествуваат 20 уметници од Македонија, Србија и од Русија.

Ликовната колонија „Дрен“ е дел од манифестацијата Прилепско културно лето и ќе трае до 23 јули.