Почна учебната година за 598 првачиња и 671 средношколец во Велес

Во сите пет основни и четири средни училишта во Велес започна новата учебна 2015/16 година. Во прво одделение годинава во клупите седнаа 598 првачиња, а во прва година во средно 671 ученик.

Градоначалникот на Општина Велес, Славчо Чадиев денеска го посети ОУ „Св Кирил и Методиј“, упати честитки за првиот училишен ден и на сите ученици им посака успеси во новата наставна година.

- Од денеска ваш најголем другар и пријател е книгата. Таа ќе ви ги отвори сите врати кон иднината и ќе ви помогне да ја одберете вистинската професија,потенцира Чадиев.

Успешен почеток на новата учебна година, тој им посака и на учениците кои своето образование денеска го продолжија во Средното стручно училиште „Коле Неделковски“.