Починатата 22-годишна родилка двa пати одбивала хоспитализација на ГАК

Родилката која завчера почина во ГОБ 8ми септември каде 7 дена била на респиратор, претходно, и покрај лоша здравствена состојба 2 пати одбила хоспитализација во Клиниката за гинекологија.

Директорката на ГАК вели дека веќе починатата родилка имала нерегулиран дијабет и намалена функција на тироидната жлезда.

Првиот пат кога дошла на клиника имала крварење од устата и се жалела на гастроинтестинални проблеми. Првиот тест и бил негативен на ковид, но потоа по приемот на клиника ПЦР тестот бил позитивен. 22-годишната родилка била во 37мата недела од бременоста, но била хоспитализирана со веќе мртов плод. Состојбата драстично и се влошила со многу лоши фактори на хемостаза.

Во лекувањето биле вклучени и лекари од други клиники. Од ГАК била префрлена во ГОБ 8ми септември каде и починала.

Сања Димитровска