Почина стаорецот Магава кој доби златен медал за откривање мини
Стаорецот Магава, кој се прослави со златниот медал за храброст за успешно откривање мини, почина на деветгодишна возраст.
Магава служеше како „деминeр“ пет години, а успешно „намириса“ повеќе од 100 мини и други експлозивни направи на терени во Камбоџа. Со тоа, тој е најуспешниот стаорец трениран од белгиската хуманитарна организација „Апопо“ за наоѓање мини.
Во 2020 година, Магава доби златен медал за храброст, а „се пензионираше“ во јуни 2021. Стаорецот бил одгледуван во Танзанија, а минал една година „тренинг“ пред да биде донесен во Камбоџа. Се верува дека во оваа земја има и до шест милиони мини. Магава „исчисти“ повеќе од 141.000 квадратни метри земја, што е еднакво на 20 фудбалски игралишта. Тој тежеше 1,2 кг и беше долг 70 цм – доволно мал и лесен за да не ги активира мините при преминување преку нив. Му биле потребни само 20 минути да пребара терен колку тениско игралиште, додека на човек со детектор за метал му требаат меѓу еден и четири дена.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка