Почина Горјан Тозија

На 68 годишна возраст почина Горјан Тозија, познат филмски продуцент.

Тозија е поранешен државен секретар во министерството за култура и советник во Kабинетот на претседателот Бранко Црвенковски. Беше претседател на Друштвото на филмски работници (ДФРМ), а во 1993 стана директор и на државниот продуцент „Вардар филм“.Во тој период „Вардар филм“ ги сними филмовите „Пред дождот“, „Ангели на отпад“, „Преку езерото“, „Џипси меџик“, и учествува во реализацијата на два холивудски филма кои се снимаа во Македонија, „Миротворец“ и „Добредојде во Сараево“.

Неговите пријатели се збогуваат од него на социјалните мрежи.

„Ej, ти ги знам овие фори кога ќе се исклучиш на неколку дена за да одмориш од сите. Јас ќе чекам од нигде никаде да се појавиш оцерен како ништо да не било и да се видиме. Ако не е така, чекај таму некаде и знаеш што се ќе ти се изнакажам и знам што ќе ми вратиш.

Како и да е, сега одмарај Мече“, пишуваат неговите пријатели.