Пчеларите очекуваат добра година

 - Од 25 до 30 килограми мед по пчелно семејство очекуваат одгледувачите на пчели во претстојната производна сезона. Се надеваат на добра година зашто условите засега се поволни.

- Пчелните семејства добро се развиваат поради што и предвидуваме дека ќе го достигнеме просекот од добрите години кога произведувавме по 25 - 30 килогрими. Ако временските услови дозволат, не е исклучено да произведеме уште повеќе, до 50 килограми, па дури и 100 колку што е максимумот кај нас, вели за МИА претседателот на Регионалниот пчеларски сојуз Менде Трајковски.

Според него, лани беше една од најлошите години, со два до пет килограми мед по пчелно семејство во просек.