Париз од Трамп бара да не се меша во внатрешната политика на Франција
Францускиот министер за надворешни работи Жан-Ив Ле Дриан денеска му порача на американскиот претседател Доналд Трамп да не се меша во внатрешната политика на Франција, откако тој на Твитер ги поврза масовните протести со Парискиот договор за климата.
– На Доналд Трамп му порачав, му кажа и претседателот Емануел Макрон, дека ние не учествуваме во американски дебати, па затоа да не остави да ја водиме сопствената политика, рече министерот.
– Ние не се мешаме во американската внатрешна политика, па би сакале таквата состојба да биде взаемна, појасни Ле Дриан.
Трамп вчера твиташе за „многу тажниот ден” во Париз по новите протести на „жолтите елеци” и повика на ставање крај на климатскиот договор потпишан кон крајот на 2015 година во Париз.
„Протести и нереди низ цела Франција“, напиша Трамп на Твитер. „Демонстрантите на англиски скандираат `го сакаме Трамп`. Ја обожувам Франција“, напиша, меѓу другото, Трамп.
– Колку што знам, „жолтите елеци“ во последно време, во француските градови не скандираа на англиски јазик. Станува збор за снимка, направена пред повеќе месеци во Лондон, појасни францускиот министер.
Ново на Сител
-
Изгласана Резолуцијата за Сребреница во ОН – 11 јули се прогласува за Меѓународен ден на сеќавање на геноцидот:
-
Тројца повредени во сообраќајка на крстосницата кај Башино Село на автопатот над Велес
-
Претседателката оствари телефонски разговор со Зеленски: Украинскиот народ може и во иднина да смета на македонското сојузништво
-
63-годишен маж демнеел женско лице од Дебар по што и го украл телефонот на работното место
-
Графитите избришани, сторителите непознати, насликана нова содржина на монументот на гостиварскиот кеј
-
Левица: Црква изградена во 1874 година настрада од минирањата на „Бехтел и Енка“
-
Потврден 30-дневниот притвор за врховнот судија Георгиев
-
110 пушки од Првата светска војна пронајдени при ископ во Старата касарна во Битола