Парична казна за Франц!

Етичката комисија на Меѓународната фудбалска федерација(ФИФА) ја казни легендата на германскиот фудбал Франц Бекенбауер со 7.000 швајцарски франци заради одбивање на соработка во истрагата поврзана со процесот околу изборот на  домаќин на светските првенства во 2018 во Русија и Катар во 2022 година.

„Во конкретниот случај господинот Бекенбауер одби да соработува во истрагата на Етичката комисија, иако неколку пати го замоливме за помош. Од него баравме лично да се појави на разговор, а му поставивме и прашања писмено на германски и англиски јазик“, објави Етичката комисија.

 

Од Комисијата наведуваат дека оваа казна не се однесува на случајот за успешната германска кандидатура за домаќин на СП во 2006 година, на чие чело беше токму Бекенбауер.