Паника од мистериозна дрвена кутија оставена на аеродром

Вработените во аеродромот во Бејрут пронашле чудна дрвена кутија со неколку дупчиња, без каква било адреса, која неколку дена никој не дошол да ја земе.

По една седмица службениците одлучиле да ја отворат, оти почнале да се сомневаат дека претставува потенцијална опасност по безбедноста. Донекаде и биле во право, но таа „потенцијална опасност“ била во многу рана фаза.

Внатре имало три сибирски тигарчиња. Изненадувачки, тие останале живи, но биле во критична состојба, изгладнети, дехидрирани и многу исплашени. Властите веднаш ги повикале ветеринарните служби и животинчињата биле згрижени. Моментно, тие се во зоолошка во Бејрут.

Се уште не познато кој е испраќачот, ниту пак, за кого била наменета пратката.