Осака елиминирана во третото коло на турнирот во Мајами
Лидерката во светската ВТА листа, Наоми Осака (Јапонија) отпадна во третиот круг на силниот тениски турнир на тврда подлога во Мајами со награден фонд од 9 милиони долари. Осака загуби од број 27 во шемата, Су-Веи Сие од Тајван со 6:4, 6:7 (4), 3:6 за 2 часа и 18 минути игра.
Дваесет и едно-годишната тенисерка од Јапонија надмина негатива од 1: 4 во првиот сет, но по серијата од пет последователни гема го доби сетот со 6: 4. Во вториот дел, таа имаше предност од 3:1, но го изгуби својот сервис во десеттиот гем, а потоа и тајбрејкот. Во третиот сет Осака направи ран брејк, по што поведе со 2:0, но потоа противничката зеде шест од наредните седум гема и го затвори натпреварот.
– Ова е многу емоционална победа за мене. Секој пат кога ќе победиш против број 1 во светот е неверојатно, рече Сие по натпреварот.
Во следниот круг Тајванката ќе игра против поранешната број 1, Каролина Вознјацки од Данска, која ја елиминира Моника Никулеску (Романија) со 6:4, 7:6 (4)
Ново на Сител
-
МВР: Кривична пријава против поранешен градоначалник на скопска општина
-
Што и како помага психотерапијата | Елена Џебр | Личен развој | Sitel Podcast 031
-
Повреден малолетник, истепан со дрвени и метални предмети од други малолетници
-
Кривична против тројца скопјани за „убиство во обид“ и „соизвршителство“
-
54-годишна скопјанка пронајдена почината
-
ДИК не го прифати приговорот за гласањето во Липково
-
Рендевски и Алексовски автори на поглавје во книгата „Двете страни глутаматот“
-
Пронајдена граната во близина на камп во Гевгелија