Орбан: Оливер Вархељи кандидат на Унгарија за комесар
Амбасадорот на Унгарија во ЕУ Оливер Вархељи ќе биде кандидат на Будимпешта за европски комесар, изјави синоќа унгарскиот премиер Виктор Орбан.
Претседателката на Европската комисија Урсула фор ден Лејн вчера и официјално побара од Будимпешта и Букурешт да предложат нови кандидати за комесари, откако Комисијата за правни работи ги одби претходно предложените Ласло Трочањи и Рована Плумб поради судир на интереси.
– Не го одбив барањето на претседателката, но нема да изберам ниту еден од унгарските политичари. Во овие околности можам само да предложам технократ, некој кој ја знае ЕУ од внатре и не е политички кандидат, рече Орбан на прес конференција.
Тој додаде дека затоа го избрал Вархељи за официјален кандидат на Будимпешта и побарал од Фон дер Лејн да го контактира.
Претходно портпаролот на Орбан, Золтан Ковач оцени дека единствена вина на Трочањи е што ја заштитил Унгарија од миграција, додавајќи дека „промиграциските партии“ не можат да поднесат комесар кој би ги затворил вратите за мигрантите.
Ново на Сител
-
Си пред посетата на Србија го критикуваше НАТО за бомбардирањето на Белград во 1999 година
-
ЕУ одобри шест милијарди евра за Балканот, Рама: Историски момент, кој внесува нов импулс во процесот на проширување
-
Девизните резерви во април зголемени за 41,9 милиони евра
-
Анонимна пријава за случаи со поткуп од политичка партија во Кичево
-
Во Делчево денеска гласаат 222 болни и изнемоштени лица за претседателските и парламентарните избори
-
Советот на ЕУ го усвои првиот закон за борба против насилство врз жените
-
И во Шпанија студентите подготвуваат протести против Израел
-
Претреси во Охрид поради фотографирање избирачки список и гласачки ливчиња