Орбан: Европа „би паднала“ без заштитата на унгарските граници
Унгарскиот премиер Виктор Орбан изјави денеска, три дена пред референдумот за квоти за мигранти во ЕУ, што ќе се одржи во неговата земја, дека Европа досега „би паднала“ ако Унгарија не ги исполнела нејзините обврски по прашањето за илегалната миграција.
Орбан, за весникот „Локал“ истакна дека со минатогодишната примената на строги мерки за заштита на границите, Будимпешта не „измислила топла вода“, туку дека едноставно „го направила она што го прават во деловите во светот каде размислуваат свесно - од САД до Израел“, - ја заштитила Унгарија, а со тоа и границите на ЕУ.
Зборувајќи за референдумот на 2 октомври, каде ќе се гласа за квотите на мигранти кои ќе се распределуваат во Унијата, Орбан нагласи дека таму ќе се гласа за иднината на Унгарија и Европа.
Унгарија, како што наведе тој, е се уште посветена на заедничката европска иднина, но на ЕУ и е потребна промена на политиката со цел да можеме да „ја зачуваме Европа која сите ја сакаме и ја сметаме за дом и за која веќе толку многу жртвувавме“.
Орбан смета дека крајно е проблематично тоа што членките на ЕУ не можат да се договорат за појдовната точка на управувањето со миграциската криза.
Унгарскиот премиер објасни дека мигрантите кои илегално влегле во Европа треба да бидат преселени надвор од територијата на ЕУ, но додаде дека „многу членки не се доволно „храбри“ да го направат тоа“.
Тој посочи дека одредени земји мислат дека е подобро само да ја „прифатат“ илегалната миграција, бидејќи Европа во минатото успеала да надмине се.
- Но овој пат е поинаку. Или ќе го сочуваме нашиот дом и Европа или ќе ги изгубиме, заклучи Орбан.
Ново на Сител
-
Лишени од слобода крадци во Пробиштип
-
Никотинските ќесички и понатаму главен тренд кај младите, а за ризиците по здравјето малку се знае
-
Шолц: Предлогот на Трамп за раселување на Палестинците од Газа е неприфатлив
-
Во Приштина откриена лабораторија за фалсификување документи, запленети илјадници исправи од над 50 земји
-
Прв телефонски разговор меѓу Калас и Рубио, темите биле Украина, Иран и Кина
-
Трамп издаде наредба за враќање во служба на војниците кои одбиваа да се вакцинираат од Ковид
-
Во Берово најстудено, измерени -2 степени
-
Украина ноќеска со дронови нападнала нафтени и енергетски постројки во западна Русија